“Хто смяецца апошнім”

Камедыя ў дзвюх дзеях

Кандрат Кандратавіч Крапіва – вядомы беларускі паэт, празаік, драматург і вучоны, творчасць якога адзначае цэлую эпоху ў гісторыі беларускай літаратуры і, перш за ўсё, нацыянальнай драматургіі. Яго камедыі – выдатнае дасягненне беларускай сатырычнай літаратуры.

Камедыя “Хто смяецца апошнім” з’яўляецца адной з лепшых сатырычных п’ес Кандрата Крапівы. Паставіць чалавека на месца, сарваць маску з невуча і пляткара, высмеяць падхалімства, баязлівасць, прыстасаўленства, паказаць якую шкоду грамадству і навуцы прыносяць кар’ерызм і дэмагогія – гэтаму прысвечана камедыя. Нягледзячы на тое, што п’еса Крапівы напісана ў 1939 годзе, ілжэвучоныя Гарлахвацкія, іх памагатыя Тулягі і Зёлкіны існуюць да гэтага часу, а сюжэт застаецца актуальным і ў нашыя дні.

Дзеянне спектакля адбываецца ў навукова-даследчым інстытуце. Супрацоўнік інстытута Туляга распавядае калегам – вядомаму вучонаму Чарнавусу і маладому навуковаму супрацоўніку Веры, – што мiнак на вуліцы прыняў яго за палкоўніка Падгаецкага, які калісьці служыў у белай арміі ў Варонежы. Спалоханы Туляга просіць нікому пра гэта не гаварыць. Але размову падслухоўвае пляткар Зёлкін і перадае яе дырэктару інстытута Гарлахвацкаму. Акрамя таго, ён распаўсюджвае слых пра тое, што новы рукапіс Чарнавуса атрымаў дрэнныя водгукі. Гарлахвацкі – невуч, які па блаце трапіў на пасаду дырэктара, – вырашае выкарыстаць сітуацыю ў сваіх інтарэсах. Але, ХТО СМЯЕЦЦА АПОШНІМ?

Аўтарская група стваральнікаў спектакля:

Пастаноўка – лаўрэат спецыяльнай прэміі Прэзідэнта Рэспублікі Беларусь Алег Кірэеў
Дэкарацыі і касцюмы – Дзмітрый Мохаў
Кампазітар – Валерый Воранаў
Харэаграфія – Наталля Фурман

Рэжысёр адноўленай версіі – заслужаны артыст Рэспублікі Беларусь Аляксандр Кашпераў

Ролі выконваюць:

заслужаны артыст Рэспублікі Беларусь, лаўрэат спецыяльнай прэміі Прэзідэнта Рэспублікі Беларусь Аляксандр КАШПЕРАЎ;

заслужаны артыст БССР, лаўрэат спецыяльнай прэміі Прэзідэнта Рэспублікі Беларусь Уладзімір МІШЧАНЧУК;

заслужаны артыст Рэспублікі Беларусь Анатоль ЦЯРПІЦКІ;

заслужаная артыстка Рэспублікі Беларусь Ірына НАРБЕКАВА;

заслужаная артыстка Рэспублікі Беларусь Ала ПРОЛІЧ

Артысты тэатра і кіно: Святаслаў АСТРАМОВІЧ, Анатоль ГУР’ЕЎ, Вольга ДАРОНІНА, Уладзімір ІВАНОЎ, Дыяна КАРЖАНЕЦ, Анжэла КАРАБЛЁВА, Віялета КРЫВАНОС, Сяргей ЛАПАНІЦЫН, Лідзія МАРДАЧОВА, Глеб РАМАНОЎСКІ, Аляксей СОРАЎ, Таццяна ФЁДАРАВА, Яна ХАДАНОВІЧ-ЛАПАНІЦЫНА

Продолжительность: 2 часа 20 минут

Возрастное ограничение: 14+ . Детям до 3-х лет вход бесплатный без предоставления места.

Хто смяецца апошнiм